Vecino, Elena

Malkoaren biomarkatzaileak, begi-hanturaren adierazle

Duela gutxi, Euskal Herriko Unibertsitateko (UPV/EHU) Oftalmobiologia Esperimentala taldeko kideek, Elena Vecino katedradunaren gidaritzapean, argitaratu dute begi-hantura duten pazienteen malkoan biomarkatzaile bat detektatu dutela. Argitalpena oinarrizko ikerketaren eta ikerketa klinikoaren arteko lankidetzaren emaitza da. Zehazki, oftalmologiako katedradun Juan Durán de la Colina eta Arantxa Acera doktoreek parte hartu dute lankidetzan. Hala, etorkizunean modu objektiboan neurtu ahal izango da begi-hanturari eragiten dion konjuntibotxalasi begi-patologiaren maila. Lan honetan, modu objektiboan egiaztatu da oreka berrezartzen dela malkoa berritzean eta hantura txikitzen dela kirurgia egin ondoren.