Kamiruaga Garitaonandia, Mariñe

SENDABELARRAK: naturak ez du botikarik behar

Oreinak San Benito belarra ( Geum sp. ) erabiltzen du zauriak sendatzeko eta apioa ( Apium graveolens ) erditzerakoan laguntzeko. Erbinudeak, suge gorriak ziztatzen duenean, txori-karduarekin ( Eryngium campestre ) igurtzitzen du bere burua bizitza salbatzeko. Gizakiak gizaki denetik, bere bizimodua hobetzeko inguruan dagoenaz baliatu izan da. Hori dela eta, betidanik erabili izan ditu landareak; hasiera batean elikatzeko bazen ere, gerora, esperientzia bereganatu ahala, gaixotasunak sendatzeko eta baita gozatzeko ere erabili izan ditu.