Telefonoari erantzun EDO kotxea gidatu

Telefono mugikorrek gidaria nahasi egiten dute, distraitu. Berri hori ez da guztiz berria, begi-bistakoa baita. Hala ere, Carnegie Mellon Unibertsitateko zientzialariek horren arrazoi zientifikoa bilatu nahi izan dute. Dirudienez, burmuinak aldi berean bi eginbehar kognitibo egiteko duen gaitasuna mugatua da, batez ere atentziohandia behar duten egoeretan. Ikerketa egiteko, burmuinaren aktibitatea islatzen duten irudiak erabili dituzte. Boluntarioak ikusmen-prozesu konplexuko lan bat egiten jarri zituzten, eta, lanean ari ziren bitartean, hainbat esaldi entzunarazi zieten.

Lortutako emaitzen arabera, esaldiak entzutean boluntarioen atentzio-maila % 29 jaitsi zen. Beraz, arazoa ez da esku libreen aukerarekin konpontzen, gidatzeko, eskuez gain, burmuinaren aktibitatea ere behar baita. Gainera, gidatzeak arreta handia behar du, eta hizkuntzaren burmuin-eremuaren % 53ri eragiten dio. Horregatik, zientzialariek gidatzen ari garenean ahalik eta gutxien hitz egiteko ere gomendatu dute.

Gehitu iruzkin bat

Saioa hasi iruzkinak uzteko.

Babesleak
Eusko Jaurlaritzako Industria, Merkataritza eta Turismo Saila
MAIER Koop. Elk.
KIDE Koop. Elk.
ULMA Koop. Elk.
EIKA Koop. Elk.
LAGUN ARO Koop. Elk.
FAGOR ELECTRÓNICA Koop. Elk.