Organo asimetrikoak kaltzioari esker

Ikerketa batek erakutsi du kaltzioak eragina duela organo asimetrikoen kokapenean. Ikerketa Kaliforniako Salk Institutuan egin dute. Txita-enbrioiekin zenbait esperimentu egin dituzte, eta ikusi dute Hensen-en nodoan kaltzioa dagoela. Nodo hori enbrioiaren egitura antolatzen laguntzen duen gunea da; eta, hori dela eta, kaltzioaren presentzia organo asimetrikoak –bihotza eta gibela, adibidez– dagokien lekuan kokatzearekin lotu dute.

Garapen-biologiaren erronka handienetako bat da azaltzea nola sortzen den ezkerreko eta eskuineko aldeak desberdinak dituen izaki bat zelula-sarda simetriko batetik abiatuz. Eta ikerketa hau misterioa argitzeko aurrerapauso bat da, zalantzarik gabe.

Gehitu iruzkin bat

Saioa hasi iruzkinak uzteko.

Babesleak
Eusko Jaurlaritzako Industria, Merkataritza eta Turismo Saila
MAIER Koop. Elk.
KIDE Koop. Elk.
ULMA Koop. Elk.
EIKA Koop. Elk.
LAGUN ARO Koop. Elk.
FAGOR ELECTRÓNICA Koop. Elk.