Ongi etorri Solar Probe Plus, agur Ulysses
Solar Probe Plus misioa prestatzen hasi dira NASAn, helburutzat Eguzkira inoiz baino gehiago hurbiltzea duen misioa. Erantzun ezin dituzten bi galdera argitzen saiatuko dira misio horretan: zergatik den Eguzkiaren koroa gainazala baino askoz beroagoa (milioi bat gradu inguru ditu lehenak eta sei mila bigarrenak), eta nola azeleratzen den koroa horretan eguzki-haizea abiadura supersonikoetaraino.
Hori guztia martxan jarri aurretik, dena den, aurreko proiektu bat bukatutzat eman behar dute astronomoek: Ulysses. Espazio-ontziak hemezortzi urte eman ditu Eguzkiari buruzko informazioa jasotzen eta jakinarazten, baina jadanik azken arnasak ematen ari da. Hain zuzen, hemendik gutxira zientzialariek ezingo dute jarraitu Ulysses-en irrati-antenak Lurrerantz orientatzen --erregaiaren tutua izozten ari zaiolako, nonbait--. Orduan, Ulysses Eguzkiaren inguruan noraezean ibiltzen hasiko da, eta, azkenean, espazioan galduko da.
Zu idazle
Zientzia aldizkaria
