Kokainomaniaren aurka kokaina

Hemendik aurrera kokainazaleek metodo berria izango dute koka uzten laguntzeko. Izan ere, Kaliforniako ikertzaileek txertoa asmatu dute kokari aurre egiteko eta kokainomanoak noizbehinka droga hartuko balu ere, tratamenduak aurrera jarraituko luke.

Proteina batek dopamine-soberakina xurgatu eta nerbio-zeluletara eramaten du eta kokainak aldiz, proteinari bere lana eragozten dio. Horregatik, odolean dopamine gehiegi edukitzeak kokainomanoa estimulatu egiten du.

Kokaina-kontsumitzailea droga hartu eta bere eragina garunera heltzean estimulatu egiten da. Ikertzaileen esanetan, proteina batek dopamine-soberakina xurgatu eta nerbio-zeluletara eramaten du eta kokainak aldiz, proteinari bere lana eragozten dio.

Beraz, odolean dopamine gehiegi edukitzeak kokainomanoa estimulatu egiten du. Ikertzaileek txertoaren eraginkortasuna egiaztatzeko, arratoiei kokaina-molekula erdiaren eta proteina baten nahasketa sartu zieten odolean. Nahastea ez zen animalien garunetara heldu, izan ere arratoiek antigorputzak sortu zituzten kokaina blokeatzeko.

Ondorioz, txerto berriak arratoietan arrakasta izan duela adierazi dute ikertzaileek, baina kokainomanoak ez dira arratoiak eta estimulazioa sentitu ahal izateko dosi handiagoak hartzera joko duten beldur dira ikertzaileak.

Gehitu iruzkin bat

Saioa hasi iruzkinak uzteko.

Babesleak
Eusko Jaurlaritzako Industria, Merkataritza eta Turismo Saila
MAIER Koop. Elk.
KIDE Koop. Elk.
ULMA Koop. Elk.
EIKA Koop. Elk.
LAGUN ARO Koop. Elk.
FAGOR ELECTRÓNICA Koop. Elk.