Felix M. Goñi Urcelayk jaso du aurtengo Humboldt saria

felix-m-goni-urcelayk-jaso-du-aurtengo-humboldt-sa
Arg. Flickr

Felix M. Goñi Urcelay Biokimika eta Biologia Molekularreko katedradunak jaso du aurtengo Alexander von Humboldt sarietako bat, izen bereko fundazioak jakinarazi duenez. Haien diziplinan eta haratago eragin iraunkorra izan duten aurkikuntza zein teoria zientifikoak garatu dituzten ikertzaileak saritzen ditu sari entzutetsuak. Zelulen mintzak ikertzen espezializatu zen Goñi, eta mintzetan ematen diren elkarrekintza molekularrak ikertu ditu sakon eta luze.

Donostian jaio zen, 1951an, eta Nafarroan eman zituen lehendabiziko urratsak ikertzaile gisa. Medikuntzan doktoratu zen, Nafarroako Unibertsitatean, eta doktoratu ondoko ikasketak Londresko Unibertsitatean egin zituen. Gerora, Biofisika Institutuko (EHU/CSIC) zuzendari izan da urte luzez.

Besteak beste, Biofisikako Amerikako Elkarteko Mintzen Estruktura eta Mihiztatze Saileko presidente izan da, Federation of European Biochemical Societies-eko Argitalpen Batzordeko presidentea eta Eusko Jaurlaritzako Zientzia Politikako zuzendaria.

Gehitu iruzkin bat

Saioa hasi iruzkinak uzteko.

Babesleak
Eusko Jaurlaritzako Industria, Merkataritza eta Turismo Saila
MAIER Koop. Elk.
KIDE Koop. Elk.
ULMA Koop. Elk.
EIKA Koop. Elk.
LAGUN ARO Koop. Elk.
FAGOR ELECTRÓNICA Koop. Elk.