Zilegi ote da ozeanoa burdinaz ongarritzea atmosferako karbono dioxidoa gutxitzeko? Aldeko iritzia dutenen arabera, karbono dioxido kantitate handia jasotzen du fitoplanktonak burdina ongarri gisa erabiltzen bada, eta, hala, beroketa globala gelditzea lor daiteke. Bestalde, ozeanoa burdinaz ongarritzearen aurka daudenen ustez, karbonoaren finkapena laburregia da atmosferako karbono dioxidoaren kantitatean eragina izan dezan. Eztabaidak luze joko duela dirudi.