Espainian zerbidoak SARS-CoV-2arekin infektatu direla frogatu dute
SARS-CoV-2ak adarbakarrak infektatu izana frogatu dute Espainian. Arg. Johann-Nikolaus Andreae/CC BY-SA 2.0
Jakina da SARS-CoV-2a gai dela espezie batzuetatik besteetara jauzi egiteko. Hain zuzen, 39 herrialdetan eta 34 ugaztun-ezpezietan baieztatu dira infekzioak. Ugarienak zerbidoetan izan dira, baina, orain arte, guztiak Ipar Amerikan aurkitu dira. Orain, lehen aldiz, handik kanpo ere baieztatu dute SARS-CoV-2aren infekzioa zerbidoetan; zehazki, Espainian eta bi espezietan: adarzabala eta orein arrunta.
Ikertzaileek nabarmendu dutenez, adarzabalak behintzat, gizakien bidez kutsatu ziren, Madrildik gertu jaso baitziren laginak, eta bat egin baitzuen hondakin-uretako birus-kontzentrazio handiarekin. Transboundary and emerging diseases aldizkarian argitaratu dute ikerketa, irekian.
Gai honi buruzko eduki gehiago
Elhuyarrek garatutako teknologia
Proiektu honen laguntzaile izan nahi baduzu, harpidetu. Urtean 28 € baino ez.
Zu idazle
Zientzia aldizkaria
