Energia aurrezteko proiektuei diru-laguntzak

Eusko Jaurlaritzako Industria, Merkataritza eta Turismo Sailak energia aurreztea helburu duten 26 proiekturi 182 milioiko diru-laguntza eman die. Guztira, 18 izan dira proiektuak aurkeztu dituzten enpresak. Dirulaguntza, batez beste, inbertsio osoaren % 12,5ekoa da.

Onarturiko proiektuen artean, teknologia eraginkorragoak erabiltzea proposatzen dutenak dira nagusi, 18 hain zuzen ere. Beste bost proiektuk hondar-beroak aprobetxatzea edo energia garbiagoak erabiltzea proposatzen dute. Azkeneko hirurak, ostera, I+G erakustaldiei, erakustaldi- eta hedapen-ekintzei eta energia-eraginkortasunaren hobekuntzari buruzko ikerketei dagozkie. Proiektu horiekin guztiekin 37.704 tona petrolio baliokide aurreztuko direla aurreikusten da, eta atmosferara 100.000 tona CO2 gas gutxiago isuriko direla.

Gehitu iruzkin bat

Saioa hasi iruzkinak uzteko.

Babesleak
Eusko Jaurlaritzako Industria, Merkataritza eta Turismo Saila
MAIER Koop. Elk.
KIDE Koop. Elk.
ULMA Koop. Elk.
EIKA Koop. Elk.
LAGUN ARO Koop. Elk.
FAGOR ELECTRÓNICA Koop. Elk.