COVID-19 gaitza eragiten duen birusak gripearenak baino gutxiago mutatzen du

Galarraga Aiestaran, Ana

Elhuyar Zientzia

covid-19-eragiten-duen-birusak-gripearenak-baino-g
Arg. Wikipedia
Nazioarteko ikerketa-taldeek datu-base berean jartzen dute SARS-CoV-2 birusari buruzko informazio genetikoa. SINC informazio eta albiste zientifikoen Espainiako zerbitzuak jakinarazi duenez, dagoeneko 430 lagin baino gehiago dituzte, 40 herrialdetakoak. Elkarren artean alderatuta, genetikoki zer bilakaera izaten ari den ikusi dute, eta, oraingoz, ondorioztatu dute gripearen birusak baino gutxiago mutatzen duela.
 
Mutazio-tasa handia bada, zailagoa da botikak eta txertoak garatzea, birusaren geneak asko aldatzen badira, eraginkorrak izateari uzten baitiote. Horregatik berritu behar izaten dute urtero griperaren txertoa, adibidez.
 
Hala ere, oraindik gehiago da ez dakitena, dakitena baino. Esaterako, ez dute lortu jakitea izaten ari den aldaketak zeri eragiten dioten: erasokortasunari, birulentziari edo transmisio-ereduei. Zenbat eta lagin gehiago deskodetu, eta zenbat eta datu epidemiologiko gehiago izan, orduan eta ondorio gehiago eta zehatzagoak aterako dituzte, baina, edozein modutara, elkarlanaren balioa agerian utzi du emaitza horrek.
 

Gehitu iruzkin bat

Saioa hasi iruzkinak uzteko.

Webgune honek cookieak erabiltzen ditu zure nabigazio-esperientzia hobetzeko. Nabigatzen jarraitzen baduzu, ulertuko dugu cookie horien erabilera onartzen duzla. Ezeztatuz gero, ezingo duzu webgune honetan nabigatu. Onartu
Informazio gehiago
Babesleak
Eusko Jaurlaritzako Industria, Merkataritza eta Turismo Saila
MAIER Koop. Elk.
KIDE Koop. Elk.
ULMA Koop. Elk.
EIKA Koop. Elk.
LAGUN ARO Koop. Elk.
FAGOR ELECTRÓNICA Koop. Elk.