Bakterioak arropak garbitzeko

Garbikarien iragarkietan, askotan honelakoak entzuten ditugu: “eta bakterioak, zer?”. Alegia, begi-bistako zikinkeria kendu bai, baina bakterioak oraindik bertan geratzen direla. Etorkizunean, ordea, baliteke alderantzizkoa esan nahi izatea, hau da, lohiak kentzeaz gain bakterioak hil ere egiten dituela eta arazo hori konpondu beharra dagoela.

Izan ere, Massachusetts-eko Unibertsitateko Alex Fowler-ek gidatutako taldeak bakterioak arropetako zikinkeria jateko erabili nahi ditu. Ikerketa egiteko, egun sokak egiteko erabiltzen den kotoi-landare bat aukeratu zuten. Kotoiaren zuntz hutsetan E. coli bakterioa sarrarazi zuten, eta, handik gutxira, zuntza bakterio-kolonia batek hartua zegoela ikusi zuten. Bakterioen geneak aldatu egin daitezke, aukeratutako molekulak jan ditzaten: adibidez, usain txarra sortzen duten molekulak, izerdia osatzen duten molekulak, etab.

Gehitu iruzkin bat

Saioa hasi iruzkinak uzteko.

Babesleak
Eusko Jaurlaritzako Industria, Merkataritza eta Turismo Saila
MAIER Koop. Elk.
KIDE Koop. Elk.
ULMA Koop. Elk.
EIKA Koop. Elk.
LAGUN ARO Koop. Elk.
FAGOR ELECTRÓNICA Koop. Elk.