Arrainen sexua bereizteko metodo erraz eta erabilgarri bat garatu dute EHUn
RNA, zehazki 5S rRNA, arrainen sexua identifikatzeko markatzaile aproposa dela frogatu dute EHUren Zoologia Saileko Zelulen eta Ehunen Biologia Laborategiko ikertzaileek.
Bizkaiko Golkoko espezie guztietan da erabilgarria EHUn garatutako metodoa. - Arg. © Richard Griffin/123RF
Ibon Cancio da ikerketa horretan parte hartu duen zientzialarietako bat, eta, hark azaldu duenez, 5S rRNA emeen gonadetan adierazten da, beharrezkoa baita erribosomak ekoizteko eta gero obozitoak garatzeko. Aldiz, haren espresioa oso txikia da arren gonadetan. Gainera, intersexuak ere badirela esan du Canciok: “Obozitoak dituzten arrak dira, eta, horiek tarteko adierazpena erakusten dute”.
Arrainen 5S rRNA kuantifikatzeko, polimerasaren kate-erreakzioan oinarritutako teknika ezaguna erabiltzen dute, PCRa. Teknika erraza, merkea eta fidagarria da, eta merkatuan interesgarriak diren Bizkaiko golkoko arrain-espezie guztietan ematen ditu emaitza onak, edozein ugalketa-fasetan: txitxarroa, sardina, berdela, legatza, oilarra...
Proiektu honen laguntzaile izan nahi baduzu, harpidetu. Urtean 28 € baino ez.
Zu idazle
Zientzia aldizkaria
