Elkarrizketak

Thilo Bode Greenpeaceko zuzendaria

Madrilen egindako ingurugiro-kazetaritzako kongresuan, besteak beste, Thilo Bodek, Greenpeace erakundeko zuzendariak, hitz egin zuen. Ingurugiro-erronkak datorren mendean izenburuko hitzaldia eskaini zuen Greenpeaceko buruak eta pazientzia handiz erantzun zien entzuleen galdera guztiei. Jendaurreko betebeharra bukatu eta gero,
ez zuen inolako eragozpenik izan Elhuyarko
galderei erantzuteko. Datorren mendeko
ingurugiro-erronkak eta puri-purian dauden beste hainbat gai izan zituen hizpide.

Nor da Thilo Bode?

Léopold Eiharts: 'txikitako ametsa nuen astronauta izatea'

Poz adina buruhauste eman dituen MIR espazio-estazio errusiarra desagertu egingo da hilabete gutxi barru; lurrera ekarri eta itsasoan hondoratuko dute. Estatu Batuak, Kanada, Europa, Japonia eta baita Errusia ere Nazioarteko Espazio Estazioaren eraikuntza-lanetan dabiltza orain burubelarri. MIRen ordezko hobetua izango da estazio berria. Elhuyarrek bi proiektuak hurbiletik ezagutzen dituen Léopold Eiharts Miarritzeko astronautarekin hitz egiteko aukera izan du.

Zientzi Ikerketa eta Teknologi Garapen eta Berrikuntzako Plana (2000-2003)

Ikerlan zentro teknologikoak, 25 urte bete zituela eta, Berrikuntza Teknologikoari buruzko jardunaldia antolatu zuen joan den azaroaren 3an Donostiako Kursaalen. Han, Julio Guzmán Espainiako Gobernu Presidentetzako Zientzia eta Teknologiako Bulegoko aholkulariak Zientzi Ikerketa eta Teknologi Garapen eta Berrikuntzako Plan Nazionala (2000-2003) aurkeztu zuen. Hego Euskal Herrian ikerketan eta garapenean ari diren talde eta enpresen gain (unibertsitateak, zentro teknologikoak, ikerketa-guneak) zuzenean eragingo du plan horrek. Hori dela eta, Planaren nondik norako nagusiak ezagutzearren, Julio Guzmáni hainbat galdera egin dizkiogu.

Unai Ugalde

Eusko Jaurlaritzako Zientzi Politikarako Zuzendari Plan berriari buruz zer iritzi duen galdetu diogu

Erhard W.Fischer: ikerketan jardundako bizitza

Juan Colmenerok eta bere ikerketa-taldeak kongresu batean ezagutu zuten Erhard W. Fischer 1987an. Elkarren arteko lehenengo proiektuak sortu ziren orduan. Biak polimeroen arloan ikertzen duten fisikariak dira. Kate luze horien propietate fisikoak aztertu dituzte X izpien, neutroien difrakzioaren eta neurketa kalorimetrikoen bitartez, besteak beste. Hainbeste urtetan egindako lankidetzaren ondoren, Colmenerok Euskal Herriko Unibertsitatean Fischer proposatu zuen honoris causa doktore izendatzeko. Ia batera, Colmenerok berak Euskalerriko Adiskideen Elkarteak urtero ematen duen Munibe Ikerketa Saria jasoko duela jakin zuen. Goi-mailako bi ikerlariekin egoterik izan zuen Elhuyarrek.

"Ingurugiro-hezkuntza da gure ardatz nagusietako bat"

Unai Ugalde: “Sistema heldugabe eta gaztea daukagu”

Dagoeneko pasa dira hilabete batzuk Unai Ugalde Eusko Jaurlaritzako Zientzia Politikarako Zuzendari izendatu zutela. Unai Ugalde ezaguna izan daiteke Elhuyar Zientzia eta Teknika aldizkariaren irakurleentzat, aldizkarian behin baino gehiagotan parte hartzeaz gain, CAF-Elhuyar sarietan ere parte hartu izan duelako, hasiera-hasieratik epaimahaiko kide izan baita.
Bera kimikaria da formazioz eta, orain gutxira arte behintzat, lanbidez ere bai. Zientzia Politikarako Zuzendaritza eskaini zitzaion arte Donostiako Kimika Fakultateko dekanoa zen. Kargu berria hartu eta berehala eskatu genion elkarrizketa —berak agindu ere agindu zigun, baina denbora eskatu ere bai, galderei erantzuten hasi aurretik panoramaz ondo jabetu nahi zuelako—. Emandako hitza beteko du ondoko lerroetan. Daukagun zientzia-politika edo sistemaren planifikazioa ez da gurea izan, kanpotik etorri zaizkigun eskemen arabera egindakoa baizik, eta gure zientzia-sistema oraindik ez dugu geure beharretara egokitu.

Zientzi eta Etika

Joan den azaroaren 26an Zientzialarien moralaren inguruko jardunaldiak burutu ziren Donostian EHUko Miguel Sanchez-Mazas katedrak antolatuta. Bertan jardundako hizlarietakoa Ernesto Garzón Valdés izan genuen Zer egin dezake etikak medikuntzaren alde? izeneko hitzaldiarekin. Bera jaiotzaz argentinarra da eta Filosofia eta Zuzenbidea ikasi zituen bertan, baina atzerriratu egin behar izan zuen erregimen militarra zela eta. Orain Alemaniako Mainz Unibertsitatean ari da lanean, Zientzia Politikoetarak Institutuan irakasle gisa. Nagusiki filosofia politikoaren inguruko arazoez arduratzen da; zehatzago esanda, etika eta politikaren zein etika eta zuzenbidearen arteko harremanez.

“Gizakiak klonazio bidez sortzea astakeria litzateke”

Munduko hiritarra da Ayala. Madrilen jaio bazen ere, Estatu Batuetako herritartasuna du eta, bere esanetan, gene gehienak euskaldunak ditu, Arabakoak. Francisco Javier Ayalak fisika-ikasketak burutu zituen Madrilen eta teologiakoak Salamancako Unibertsitatean. Gero, Estatu Batuetara alde egin zuen 1961. urtean, genetika ikasi eta genetikan doktoregoa egiteko asmoz, Columbia Unibertsitatera. Itzultzekotan zegoela lanpostua eskaini zioten New York-eko Rockefeller Unibertsitatean eta han geratzea erabaki zuen madrildarrak. Batez ere, eboluzioan oinarritu da Francisco Javier Ayalaren lana, giza genetikaren azterketan. Gaur egun, egunero lan egiten du Kaliforniako Irvin Unibertsitatean. Han eskolak ematen die ikasleei, munduan zehar hitzaldiak ematen ez dabilenean behintzat. Horretaz gain, Clinton presidentearen zientzia-aholkularietako bat da, eta hona bere zeregina: Estatu Batuetako zientzia-politika erabakitzen laguntzea, ikerketetarako lehentasunak ezartzea eta proiektu berriak onartzea.