2007/11/01 236. zenbakia

eu es fr en cat gl

• Itzulpen automatikoa
  • Español
  • Français
  • English
  • Català
  • Galego

Elia Elhuyar

×

Aparecerá un contenido traducido automáticamente. ¿Deseas continuar?

Si No

Elia Elhuyar

×

Un contenu traduit automatiquement apparaîtra. Voulez-vous continuer?

Oui No

Elia Elhuyar

×

An automatically translated content item will be displayed. Do you want to continue?

Yes No

Elia Elhuyar

×

Apareixerà un contingut traduït automàticament. Vols continuar?

Si No

Elia Elhuyar

×

Aparecerá un contido traducido automaticamente. ¿Desexas continuar?

Se No

• Ingurumena

Klima-aldaketak landareetan zer eragin duen aztertzeko berotegia

• Zabaldu:
• Twitter
• Facebook
• Emaila

(Argazkia: Nafarroako Unibertsitatea)

Nafarroako Unibertsitateko Landare Biologia Sailak gradiente termikodun berotegi bat ezarri du, klima-aldaketak landareetan nola eragiten duen ikertzeko, eta landareak klima berrira egokitzeko hazkuntza-irizpideak proposatzeko.

Berotegi horretan, CO₂-tan aberatsa den ingurunea eta etengabeko tenperatura-hazkuntza simulatu daitezke. Lehenengo emaitzen arabera, CO₂-a gehitu ahala, landareen hazkuntza areagotu egiten da. Baina landareak etengabe CO₂-z aberastutako inguruneetan hazten badira, egoera horretara egokitzen dira, eta hazkuntza moteldu egiten da. Litekeena da klima-aldaketa sustatzen duten kondizio berri horietan landareen hazkuntzan eragina duten faktore mugatzaileak azaltzeagatik gertatzea hori, hala nola zoruko ongarrien eskasiagatik. Era berean, gerta liteke CO₂-a gehitzeak eta klima-aldaketak eragiten dituzten bestelako parametro-aldaketek --esaterako, tenperaturak igotzeak eta euri gutxiago egiteak-- eragin onuragarriak murriztu edo guztiz ezabatzea. Orain artean, bazka-espezieetan oinarritu dute ikerketa, hala nola alpapan.