Industriarako 3D inprimagailu handiena aurkeztu dute Ibarmiak, EHUk eta Tecnaliak
Industriarentzat 3D inprimaketa bidezko fabrikazioa eta doitasunezko mekanizazioa konbinatzen dituen inprimagailua aurkeztu dute Ibarmiak, EHUk eta Tecnaliak. Hain zuzen, elkarlanean aritu dira inprimagailua garatzeko, ezaugarri horiek dituen lehena Espainian.
ADD+PROCESS izena du makinak, eta, garatzaileen hitzetan, “industria goitik behera alda dezake”, aukera berriak zabaltzen baititu diseinuaren eta fabrikazioaren alorretan. Izan ere, zerotik hasita pieza bukatu bat lortzen duen ekoizpen-zentro autonomo gisa funtzionatzen du. Prototipo eta pieza handiak ekoitz ditzake (1,6 m-ko luzerainokoak), baita automobilgintza, aeronautika, olio eta gasa eta makina-erremintaren sektoreetan balio handia duten piezak konpondu ere.
Horretarako, laser bidez gehitzeko teknologiak erabiltzen ditu, eta piezak eskala handian fresatu eta torneatu ere egin ditzake. Materiala eskala mikrometrikoan manipulatzen du, eta doitasunez jalkitzen, solido bat eraiki arte. Ohiko teknologiekin alderatuta, oso material gutxi erabiltzen da gehikuntzako teknologian, eta, horren ondorioz, materialetan eta energian aurrezten da; batzuetan, % 60raino.
Gai honi buruzko eduki gehiago
Elhuyarrek garatutako teknologia
Zu idazle
Zientzia aldizkaria
