Anestesiaren eraginkortasuna neurtzeko sistema mikroskopikoa
Batzuetan ezinezkoa da anestesiatutako pertsona lotan dagoen ala ez jakitea, eta 1.000 ebakuntzatatik batean, ebakuntza-garaian, gaixoa esnatu egiten dela kalkulatzen da.
Aurrerantzean inork horrelako esperientzia txarrik izan ez dezan, anestesiaren intentsitatea etengabe neurtuko duen siliziozko elektroia diseinatzen ari dira Datex Ohmeda anestesiarako ekipamendu eta sistemetan espezializatutako enpresako ikertzaileak.
Elektroi berriak gaixoaren elektroentzefalograma neurtu eta, oraindik diseinatzen ari diren metodo berriarekin konbinatuta, anestesiaren intentsitatea neurtuko du. Gaixoaren azalean oso erraz ezarri ahal izango da, horrela, denborarik galdu gabe eta zehaztasun handiarekin anestesiaren intentsitatea neurtzeko.
Proiektu honen laguntzaile izan nahi baduzu, harpidetu. Urtean 28 € baino ez.
Zu idazle
Zientzia aldizkaria
