Ngorongoro

Basapiztiekin liluratuta dauden bidaiariek Afrikako kontinentea dute jomuga gustukoena, eta Tanzania nahitaezko herrialdea da natura bizi-bizirik sentitzeko eta gozatzeko. Bertako paraje natural garrantzitsuenetako bat Ngorongoro Kontserbazio Gunea da. 8.300 km2-ko azalera du, Gipuzkoaren hedadura halako lau, eta Arusha eskualdean dago, herrialdeko iparraldean.

Gune babestu horren bihotza Ngorongoro kraterra da. 20 km-ko diametroa du, eta Tanzaniako paradisua deitzen diote. Sumendia duela milaka urte itzali zen eta, orain, haren kraterraren barnealdea basanimalien erreserba oso garrantzitsua da: Afrika kontinente osoko faunaren lagin bizia da: zebrak, gazelak, elefanteak, antilopeak, flamenko arrosak, lehoiak… Kalkulatzen da krater osoan 25.000 ugaztun eta hegazti inguru bizi direla.

Ngorongoroko Kontserbazio Gunea famatua da, halaber, Olduvaiko arroilan 60ko hamarkadaren amaieran egin ziren indusketengatik. Arroilan aurkitu zituzten hondakin arkeologiko eta paleontologikoei esker, bi hominido-mota aurkitu ziren: Australopithecus eta Homo habilis. Orduz geroztik, giza espeziearen ikerketarako toki garrantzitsuenetakoa da Ngorongoroko ingurua.

Gaur egun, gune babestu honetan bizi ahal izateko baimena duten bakarrak masaiak dira. Sumendiaren oinarrian bizi dira. Euren tunika gorri dotorea eta marfilezko lepokoak jantzita, sabanako lautadan aritzen dira ganadua larratzen, beti prest bidaiariari irribarrea eskaintzeko.

ngorongoro-7_681.660005598
Egilea: Wwarby
ngorongoro-6_411.130695149
Egilea: © iStockphoto.com/Sburel
ngorongoro-5_295.786737346
Egilea: DavidDennis/CC-Aitortu-PartekatuBerdin
ngorongoro-4_843.185408297
Egilea: Wwarby
ngorongoro-3_115.063734104
Egilea: Daviddennisphotos.com/CC-Aitortu-PartekatuBerdin
ngorongoro-2_233.179731983
Egilea: Cris Pierry/CC-Aitortu-EzKomertziala-PartekatuBerdin
ngorongoro-1_635.606391956
Egilea: © iStockphoto.com/Brytta

Gehitu iruzkin bat

Saioa hasi iruzkinak uzteko.

Webgune honek cookieak erabiltzen ditu zure nabigazio-esperientzia hobetzeko. Nabigatzen jarraitzen baduzu, ulertuko dugu cookie horien erabilera onartzen duzla. Ezeztatuz gero, ezingo duzu webgune honetan nabigatu. Onartu
Informazio gehiago
Babesleak
Eusko Jaurlaritzako Industria, Merkataritza eta Turismo Saila
MAIER Koop. Elk.
KIDE Koop. Elk.
ULMA Koop. Elk.
EIKA Koop. Elk.
LAGUN ARO Koop. Elk.
FAGOR ELECTRÓNICA Koop. Elk.