Elektrokardiografia klinikoa

Lopez Viña, Rakel

Marketin saila

Elhuyar Fundazioa

Karlos Ibarguren Olalde eta Felix Zubia Olaskoaga medikuek idatzi duten Elektrokardiografia klinikoa liburua argitaratu du Elhuyar Fundazioak. Obra joan den azaroan aurkeztu zuten Donostiako Miramar Jauregian, Osasungoa Euskalduntzeko Erakundeak antolatutako Mugimenduaren Osasuna jardunaldiaren barruan.

Elektrokardiografia klinikoa
2008/03/01 | Lopez Viña, Rakel | Marketin Saila/Elhuyar Fundazioa
(Argazkia: -)

Elektrokardiografia klinikoa kontsulta-obraren egileek elektrokardiograma irakurtzeko modua jasotzen dute, eta elektrokardiogramaren inguruan sakontzeko beharrezkoak diren bestelako gaiak lantzen dituzte. Osasun-arloko ikasleek, irakasleek nahiz medikuek erabiltzeko moduko liburua da. Lan honek 2003an jaso zuen Osasungoa Euskalduntzeko Erakundearen Agote saria, osasun-arloko ikasliburuen argitalpenak bultzatzeko saria, hain zuzen ere. Langai nagusiak hauek dira, besteak beste: bihotz-zelularen elektrofisiologia, elektrokardiograma egitea, elektrokardiograma normala eta elektrokardiogramaren interpretazioa, barrunbeen hazkundea, bentrikulu barneko blokeoak, kardiopatia iskemikoa, erritmoa sortzeko arazoak...

Karlos Ibarguren Donostia Ospitaleko Larrialdiak saileko mediku adjuntua da gaur egun, eta Felix Zubia, berriz, ospitale bereko Zainketa Intentsiboen Unitatekoa. Baina egileak ez dira bakarrik egon erronka honetan, eta honako profesional hauen laguntza izan dute liburua idazteko: Cristina Agirre, Mendaroko Ospitaleko medikua; Jose Jesus Artaetxebarria, Donostia Ospitaleko erizaina; Karlos Reviejo, Gipuzkoako Poliklinikako medikua; eta Rikardo Arrue, Izaskun Azkarate, Lucia Elosegi, Haritz Iraeta, Marta Iriarte, Angel Mendia eta Arantza Mugialdai, Donostia Ospitaleko medikuak.

Liburua dagoeneko salgai dago liburu-denda nagusietan nahiz Elhuyar Fundazioan bertan, 24,50 ? -tan.

Lehenago ere argitaratu izan du Elhuyar Fundazioak Osasungoa Euskalduntzeko Erakundeak saritutako lan bat. Duela bi urte, Edurne Ugarte medikuak idatzi zuen Patologia Orokorra liburua argitaratu zuen. Obra hartan, patologiaren atal orokorra, arnas aparatua eta zirkulazio-aparatua landu zituen egileak, mila orrialdeko liburu mardulean.

Lopez Viña, Rakel
2
240
2008
3
037
Elhuyarren berriak; Bibliografia
Elhuyarren berriak
61

Gehitu iruzkin bat

Saioa hasi iruzkinak uzteko.

Webgune honek cookieak erabiltzen ditu zure nabigazio-esperientzia hobetzeko. Nabigatzen jarraitzen baduzu, ulertuko dugu cookie horien erabilera onartzen duzla. Ezeztatuz gero, ezingo duzu webgune honetan nabigatu. Onartu
Informazio gehiago
Babesleak
Eusko Jaurlaritzako Industria, Merkataritza eta Turismo Saila
MAIER Koop. Elk.
KIDE Koop. Elk.
ULMA Koop. Elk.
EIKA Koop. Elk.
LAGUN ARO Koop. Elk.
FAGOR ELECTRÓNICA Koop. Elk.