Zigarro erradioaktiboak

Brasilen Sao Pauloko Unibertsitateko ikerlari batzuk frogatu dutenez, tabako-etxe batzuek zigarro erradioaktiboak saltzen dituzte. Tabakoak, beste landare askok bezala, uranio-apur bat edukitzea ez da harritzekoa, baina kantitate hori hutsaren hurrengoa da eta erretzailearentzat ez da arriskutsua izan ohi.

Brasilgo kasuan ordea, marka batzuetan uranio-tasak ohizkoa baino hamabi aldiz handiagoak dira. Europako zigarroetan 0,007 ppm-ko (milioiko 0,007 zatiko) uranio-kantitatea da ohizkoena, baina Brasilgo sei zigarro-markatan 0,28tik 0,88 ppm-rainokoak topatu dituzte. Azken kantitate honek, zigarro-pakete bat erretzea X izpizko bi saio hartzea adinakoa dela esan nahi du.

Adituek diotenez, ohizkanpoko tasa hauen jatorria tabako-landarea hazteko erabilitako ongarri batzuk izan daitezke, ongarri horiek uranio-lurretako fosfatoetatik atera direlako.

Gehitu iruzkin bat

Saioa hasi iruzkinak uzteko.

Babesleak
Eusko Jaurlaritzako Industria, Merkataritza eta Turismo Saila
MAIER Koop. Elk.
KIDE Koop. Elk.
ULMA Koop. Elk.
EIKA Koop. Elk.
LAGUN ARO Koop. Elk.
FAGOR ELECTRÓNICA Koop. Elk.