Txipak, bularreko-minbizia aurreikusteko

Bularreko minbizian zein gene aktibatzen diren ikus dezakeen txipak kasuan kasuko terapiak diseinatzen lagunduko die medikuei.

Minbiziaren itxurak datu gutxi ematen du gaitzak izango duen garapenari buruz, beraz, emakumezko gehienek hormona-tratamendua eta kimioterapia jasotzen dituzte batera.

Tratamendu bortitz hori minbizia erasokor bilakatuko dela aurreikusiz agintzen da, nahiz eta gero minbizien % 20k soilik egiten duen garapen hori.

Orain, aktibo dauden geneei begiratuta, minbizi erasokor horiek bereizteko metodo berri bat asmatu dute. Teknika horrekin, beharrezkoa ez den tratamendua jasotzen duten gaixoen kopurua murriztea lortuko litzateke.

Txipak eraldaturiko ADN-hariz estaliak daude, eta beraien osagarri mARNari, gene aktiboek zeluletan sortzen duten molekulari, atxikitzen zaizkionean argia emititzen dute. Horrela, aktibo dauden geneak ikusgai bihurtzen dira eta posible da minbizi erasokorren profila egitea.

Hala ere, txip garesti horiek gure kliniketara iritsi aurretik, azterketa sakonagoak behar izango dira.

Gehitu iruzkin bat

Saioa hasi iruzkinak uzteko.

Webgune honek cookieak erabiltzen ditu zure nabigazio-esperientzia hobetzeko. Nabigatzen jarraitzen baduzu, ulertuko dugu cookie horien erabilera onartzen duzla. Ezeztatuz gero, ezingo duzu webgune honetan nabigatu. Onartu
Informazio gehiago
Babesleak
Eusko Jaurlaritzako Industria, Merkataritza eta Turismo Saila
MAIER Koop. Elk.
KIDE Koop. Elk.
ULMA Koop. Elk.
EIKA Koop. Elk.
LAGUN ARO Koop. Elk.
FAGOR ELECTRÓNICA Koop. Elk.