Sateliteak eta Amazoniako gehiegikeriak

Landsat satelitea erabiliz, Amazonian gertatzen diren neurrigabekeriak kontrolatzeko aukera izango dela uste da.

Amazonia ekologiaren ikurra izan da urte askotan. Kanpaina eta ekitaldi entzutetsuei esker, munduko paradisu koloretsu eta aberatsa arriskupean zegoela ohartu zen jende asko. Bigarren urratsa babes-programa bereziak abiaraztea izan da. Brasilian ezarriko den kontrol-zentru berria da horren adibidea.

Landsat satelitea erabiliz, Amazonian gertatzen diren neurrigabekeriak kontrolatzeko aukera izango dela uste da. SIVAM izenaz bataiatu duten programa honen xede nagusia Amazonian gertatzen den legez kanpoko baso-ustiapena geldiaraztea da. Horrez gain, suteei aurre egiten lagunduko du SIVAMek, 5.000 m2 hartuko baititu bere kontrolpean.

Babesleak
Eusko Jaurlaritzako Industria, Merkataritza eta Turismo Saila