Sandalo-lurrinak ilea haztea eragiten du

Etxebeste Aduriz, Egoitz

Elhuyar Zientzia

sandalo-usainak-ilea-haztea-eragiten-du
Ile-folikuluetan usaimen-errezeptoreek ilearen hazkuntza erregulatzen dutela ikusi dute. Arg. Ganímedes/CC-BY-SA 3.0

Usaimen-errezeptore batek ilearen hazkuntza erregulatzen duela aurkitu dute. Laborategian giza buru-azalarekin egindako esperimentuetan, ikusi dute sandalo-lurrinak ilea haztea eragiten duela. Nature Communications aldizkarian eman dute horren berri.

Sudurreko zelula espezializatu batzuek dituzten usaimen-errezeptoreek molekula usaintsuak detektatzen dituztenean, usainak hartzen ditugu. Baina, gorputzeko beste zelula batzuek ere badituzte usaimen-errezeptoreak, eta beste funtzio batzuk izan ditzakete. Esterako, orain aurkitu dute ile-folikuluetan OR2AT4 usaimen-errezeptoreak daudela. Eta sandalo-lurrin sintetikoarekin egin dituzten esperimentu batzuetan ikusi dute lurrin horrek ilearen hazkuntza estimulatzen duela, keratina sortzen duten zelulen heriotza murriztuz, eta hazkuntza-faktore baten ekoizpena areagotuz.

Gehitu iruzkin bat

Saioa hasi iruzkinak uzteko.

Webgune honek cookieak erabiltzen ditu zure nabigazio-esperientzia hobetzeko. Nabigatzen jarraitzen baduzu, ulertuko dugu cookie horien erabilera onartzen duzla. Ezeztatuz gero, ezingo duzu webgune honetan nabigatu. Onartu
Informazio gehiago
Babesleak
Gipuzkoako Foru Aldundia
IRIZAR Koop. Elk.
MAIER Koop. Elk.
KIDE Koop. Elk.
ULMA Koop. Elk.
EIKA Koop. Elk.
LAGUN ARO Koop. Elk.
TAJO Group