Prioiek eragina dute usaimenean

Prioiek eragina dute usaimenean
2009/02/01 | Elhuyar
Goian, saguaren usaimen-erraboila. Behean, informazioa nola prozesatzen duen ikusten da.
C. Le Pichon & M. Valley/Nature neuroscience

Prioiek usaimen-sisteman eragina dutela aurkitu dute Columbia Unibertsitateko ikertzaileek. Prioiak ez dira ezinbestekoak usaimenean, baina zentzumen horren gaitasunak zorrotz mantentzen dituztela frogatu da.

Stuart Firestein elektrofisiologoak eta haren taldeak saguekin egin zuten ikerketa batean, prioi-kopuru handiak aurkitu zituzten haien usaimen-sisteman. Haien funtzioa argitu nahian, sagu batzuk genetikoki tratatu zituzten, prioirik ez izateko. Horrela, ikusi zuten sagu arruntek prioi gabekoek baino azkarrago aurkitzen zutela janaria, eta azken horiek ez zituztela usainak bereizten.

Ezaguna da prioia, bere era desnaturalizatuan, behi eroen gaitzaren eta beste zenbait gaixotasun neurodegeneratzaileren sortzailea dela. Baina berezko era tolestuan animalien biziraupenerako garrantzitsua izan daitekeela argitu du ikerketa honek.

1
250
2009
2
024
Biokimika
Berriak labur
11
Babesleak
Eusko Jaurlaritzako Industria, Merkataritza eta Turismo Saila