Ordutegi molekularra egin dute, ordulari biologikoan zer ordu den jakiteko

Galarraga Aiestaran, Ana

Elhuyar Zientzia

Pertsona baten ordulari biologikoan zer ordu den jakiteko, ordutegi molekular bat egin dute RIKEN Garapeneko Biologia Institutuan (Kobe, Japonia). Orain arte, bide bakarra zegoen pertsona baten ordulari biologikoa ezagutzeko: melatonina edo kortisol hormonen kontzentrazioei jarraipena egitea, 24 orduz eta ordu oro odola atera, eta hormonetako baten kontzentrazioa neurtuta.

ordutegi-molekularra-egin-dute-ordulari-biologikoa
Melatonina hormonaren egitura molekularra. - Arg. Sbrools

Metodoa erraztu nahian, ikertzaile japoniarrek 58 metabolitoren kontzentrazioetan oinarritutako ordutegi bat egin dute. Metabolito horiek jarduera biologikoarekin zerikusia duten hormonak eta aminoazidoak dira, eta haien kontzentrazioak eta melatoninarenak erlazionatuta sortu dute ordutegia.

PNAS aldizkari espezializatuan argitaratu da ikerketa, eta, haren arabera, ordutegi hori erabilita, nahikoa da pertsona bati bi odol-lagin hartzea 12 orduko tartearekin eta haiek analizatzea, pertsonaren ordularia ezagutzeko. Horrek asko errazten du, adibidez, paziente bati bere ordutegi biologikoaren arabera agintzea noiz hartu behar dituen sendagaiak.

Hiroki Ueda ikerketaburuaren hitzetan, “medikuntza pertsonalizatuak geneetan jarri du arreta, baina hurrengo pausoa pazienteen arteko ordularien diferentziei erreparatzea izango da”.


Gehitu iruzkin bat

Saioa hasi iruzkinak uzteko.

Webgune honek cookieak erabiltzen ditu zure nabigazio-esperientzia hobetzeko. Nabigatzen jarraitzen baduzu, ulertuko dugu cookie horien erabilera onartzen duzla. Ezeztatuz gero, ezingo duzu webgune honetan nabigatu. Onartu
Informazio gehiago
Babesleak
Eusko Jaurlaritzako Industria, Merkataritza eta Turismo Saila
MAIER Koop. Elk.
KIDE Koop. Elk.
ULMA Koop. Elk.
EIKA Koop. Elk.
LAGUN ARO Koop. Elk.
FAGOR ELECTRÓNICA Koop. Elk.