Olio begetalak eta gaztetasuna

Europako lurralde gehienetan hamarkadak daramatzate diabetesaren eta nerbio-sistemako gaitzen kontrako sendagai gisa azido lipoikoa erabiltzen. Oraindik orain ordea, antioxidatzailea dela aurkitu du Texasko Dallas hirian dagoen Southwestern Medical Center-en diharduen Ishwarial Jialal doktoreak. Hogeita hamaika pertsona osasuntsu azido lipoiko ugariko dietarekin zortzi astetan edukita, odola eta gernua analizatu ondoren gorputzeko proteinak gutxiago oxidatzen direla ikusi du; C bitaminarekin baino dezentez gutxiago oxidatu ere (eta badakigu C bitamina antioxidatzaile ona dela).

Aurkikuntza honek gerontologian aplikazioa izan dezake, zeren proteinak oxidatzea baita zahartzearen eta bihotzeko gaixotasunen eragile nagusia. Azido lipoikoa F bitaminaren eratorria da eta batez ere olio begetalek izaten dute; ekilore-olioak eta oliba-olioak.

Gehitu iruzkin bat

Saioa hasi iruzkinak uzteko.

Babesleak
Eusko Jaurlaritzako Industria, Merkataritza eta Turismo Saila
MAIER Koop. Elk.
KIDE Koop. Elk.
ULMA Koop. Elk.
EIKA Koop. Elk.
LAGUN ARO Koop. Elk.
FAGOR ELECTRÓNICA Koop. Elk.