Nanokristal preziatuak hondakinetan

Purdu Unibertsitateko ikertzaile-talde baten ustekabeko aurkikuntza bati esker, materialak gogortzeko nanokristalak erabili ahal izango dira kostu ekonomiko handiegirik gabe.

Aurkikuntza ustekabekoa izan da, ikertzaile-taldearen eginbeharra ez baitzen hori lortzea, txipak birziklatu ahal izateko urtzea baizik. Baina, beren zorionerako, sortzen dituzten hondakinetan nanokristal preziatuak daudela jabetu ziren.

Nanokristalak materialak gogortu, erresistentzia handitu eta materialaren biziraupena luzatzeko eraginkorrak direla jakina zen, baina, sistema eraginkorra izan arren, orain arte erabilera industrialerako garestiegia zen. Izan ere, libra bat nanokristal ekoizteak 100 $ balio zuen.

Txipak urtuta nanokristalak lortzea, berriz, 100 aldiz merkeagoa dela jakinarazi du ikertzaile-taldeak eta, beraz, pentsatzekoa da nanokristalak gero eta gehiago erabili ahal izango direla industrian.

Lan honen azalpen eta xehetasunak hil honetako Journal of Materials Research aldizkarian eman ditu ikertzaile-taldeak.

Gehitu iruzkin bat

Saioa hasi iruzkinak uzteko.

Webgune honek cookieak erabiltzen ditu zure nabigazio-esperientzia hobetzeko. Nabigatzen jarraitzen baduzu, ulertuko dugu cookie horien erabilera onartzen duzla. Ezeztatuz gero, ezingo duzu webgune honetan nabigatu. Onartu
Informazio gehiago
Babesleak
Eusko Jaurlaritzako Industria, Merkataritza eta Turismo Saila
MAIER Koop. Elk.
KIDE Koop. Elk.
ULMA Koop. Elk.
EIKA Koop. Elk.
LAGUN ARO Koop. Elk.
FAGOR ELECTRÓNICA Koop. Elk.