Motor esferikoa roboten besoetarako

Ingeniari-talde batek edozein norabidetan biratzeko gai den motor esferiko berri bat asmatu du. Ideia, berez, ez da berria. Orain arte ere era horretako motorrak erabili izan dira roboten besoak mugitzeko. Baina honako honek abantaila asko ditu.

Lehen sei motor jarri behar ziren lekuan, nahikoa da, orain, horietako hiru jartzea. Gainera, hiru dimentsiotan mugitzeko askatasun handiagoa ematen diote besoari. Orain artekoek gizakiaren ukondoaren antzeko mugimendua egiten dute; berri hauek, ostera, sorbaldaren mugimendua imitatzen dute.

Bestalde, ordenagailuetako jokoetarako ere erabil daitezke, ordenagailuak berak sagua eta bestelako interakzio-sistemak kontrola ditzan. Iman, elektroiman eta gainerako osagaiez gain, motor esferiko berriak ordenagailu-sistema konplexu baten laguntza behar du.

Gehitu iruzkin bat

Saioa hasi iruzkinak uzteko.

Babesleak
Eusko Jaurlaritzako Industria, Merkataritza eta Turismo Saila
MAIER Koop. Elk.
KIDE Koop. Elk.
ULMA Koop. Elk.
EIKA Koop. Elk.
LAGUN ARO Koop. Elk.
FAGOR ELECTRÓNICA Koop. Elk.