2000/10/01 158. zenbakia

eu es fr en cat gl

• Itzulpen automatikoa
  • Español
  • Français
  • English
  • Català
  • Galego

Elia Elhuyar

×

Aparecerá un contenido traducido automáticamente. ¿Deseas continuar?

Si No

Elia Elhuyar

×

Un contenu traduit automatiquement apparaîtra. Voulez-vous continuer?

Oui No

Elia Elhuyar

×

An automatically translated content item will be displayed. Do you want to continue?

Yes No

Elia Elhuyar

×

Apareixerà un contingut traduït automàticament. Vols continuar?

Si No

Elia Elhuyar

×

Aparecerá un contido traducido automaticamente. ¿Desexas continuar?

Se No

• Astronomia

Lurraren inguruko espazioa

• Zabaldu:
• Twitter
• Facebook
• Emaila

Eguzki-haizea eta talka-gainazala

Talka-gainazala eguzki-haizearen partikulak abiadura supersonikotik subsonikora dezeleratzen diren eskualdea da. Bertan gertatzen direnak ez dira oraindik ezagutzen. Halaber, eguzki-haizearen uhin elektromagnetikoei buruz oso gutxi dakigu, bereizki talka-gainazalean eta magnetosferaren aurreko aldean zehar nola transmititzen diren. Bi prozesu hauek aztertuko ditu Cluster II-k

Magnetopausa

Eguzki-haizea eta Lurraren eremu magnetikoa bereizten dituen geruza mehea da. Toki horretan eguzki-haizearen plasma-presioa eta magnetosferaren barruko presio magnetikoa orekan daude. Eguzki-haizearen presioa etengabe aldatzen ari denez, magnetopausa etengabe higitzen ari da. Bestetik, magnetopausa geruza iragazgaitza bada ere, eguzki-haizearen plasma poxi bat magnetosferan sar daiteke. Hainbat mekanismo proposatu dira hori azaltzeko, eguzki-haizearen presio-pultsuak eta Lurraren eremu magnetikoaren eta planetarteko eremu magnetikoaren berkonexioa, besteak beste. Cluster II-k magnetopausaren higidura eta itoginak aztertuko ditu.

Poloetako sakonuneak

Magnetopausaren gainazaletik gertu Lurraren eremu magnetikoa harekiko tangentziala da ia toki guztietan eta horrela eguzki-haizearen partikulek hesi-modukoa topatzen dute. Alabaina, bi tokitan, hemisferio bakoitzean toki banatan, eremu magnetikoa ia perpendikularra da magnetopausarekiko, eta eguzki-haizeren partikulak magnetosferan sartu ahal daitezke. Eskualde bi horietan gertatzen direnak aztertuko ditu Cluster II-k.

Magnetoisatsa

Magnetoisatsean eremu magnetikoaren lerroak haizeberantz luzarazten ditu eguzki-haizearen fluxuak. Honen kanpo-eskualdean bi lobulu eta plasma-gunearen mugaldea daude eta erdialdean plasma-gunea. Lobuluak energia magnetikozko biltegi handiak dira. Cluster II-k lobuluen jarduera aztertuko du.

Plasma-gunearen mugaldea

Plasma-gunearen mugaldea magnetoisatsaren eskualderik aktiboena izaten da maiz. Ioi-sortak ibiltzen dira Lurerrantz zein Lurretik. Sorta horien jatorria eta sortze-mekanismoa ezagutzeko neurketa multipuntualak behar-beharrezkoak dira eta horixe egingo du Cluster II-k. Plasma-gunearen erdian lamina neutroa dago eta hor eremu magnetikoa ahula da. Antza, lamina neutroa berkonexio magnetikorako toki egokia da eta hor ioiak Lurrerantz azeleratzen dira.