Kimioterapia, minbizi-sortzaile

Jerusalemgo Unibertsitate Hebrearrean, fibrosi kistikoaren zelulen kromosomak ikertu dituzte. Zelula osasuntsuen kromosomekin alderatuta, diferentziak ‘toki ahulak’ deitzen zaien eremu zehatzetan azaltzen dira. Hain zuzen, toki horietan gertatzen dira DNAren erreplikazioaren akatsak, eta horregatik sortzen dira minbizi-zelulen adierazgarri diren berrantolaketa okerrak.

Kimioterapiarako sendagai batzuen eraginez, zelula osasuntsuetan ‘toki ahulak’ azaltzeko arriskua dago. Beraz, sendagaiak, minbiziaren aurka ari diren bitartean, beste minbizi batzuk azaltzeko egoera sortzen ari dira.

Ikerketaren ondorioz, zalantzan jarri da kimioterapian erabiltzen diren hainbat sendagairen egokitasuna; horrekin batera, agerian gelditu da gutxiago kaltetzen duten sendagai eraginkorragoak bilatzeko beharra.

Gehitu iruzkin bat

Saioa hasi iruzkinak uzteko.

Babesleak
Eusko Jaurlaritzako Industria, Merkataritza eta Turismo Saila
MAIER Koop. Elk.
KIDE Koop. Elk.
ULMA Koop. Elk.
EIKA Koop. Elk.
LAGUN ARO Koop. Elk.
FAGOR ELECTRÓNICA Koop. Elk.