Interfaze likidoan oinarritutako 3D inprimagailuen iraultza

Galarraga Aiestaran, Ana

Elhuyar Zientzia

interfaze-likidoan-oinarritutako-3d-inprimagailuen
Eiffel dorrea, interfaze likidoan oinarritutako 3D inprimagailuak ekoitzi ahala. Arg. Lars Sahl/Science

Denbora gutxian, 3D inprimagailuek arrakasta handia lortu dute. Abantaila ukaezinak dituzten arren, ordea, mugak ere badituzte, bereziki, denbora. Izan ere, ekoizpena nahiko motela izaten da. Muga hori gainditzeko, interfaze likidoan oinarritutako 3D inprimagailu bat garatu dute Silicon Valley eta Ipar Carolinako Unibertsitako ikertzaileek.

Science aldizkarian argitaratu dute haien ikerketa. Azaldu dutenez, haien metodoaren bidez, minututan lortzen da ekoiztea diseinu bat, orduak itxaron behar izan gabe. Horretarako gakoa “eremu hila” dela argitu dute. Oxigenoa duen eremu hori jatorrizko material likidoaren eta inprimatzen ari den alderdi solidoaren artean dago; hor materiala ezin da solido bihurtu, eta, aldi berean, solidotzen hasten den puntua elikatzen du, etenik gabe. Hala, objektua etengabe eratzen da.

Artikuluaren arabera, era askotako materialak inprimatzeko erabil daiteke teknologia hori, hala nola material elastikoak, zeramikoak eta biologikoak, adibidez, ehunak.


Gehitu iruzkin bat

Saioa hasi iruzkinak uzteko.

Webgune honek cookieak erabiltzen ditu zure nabigazio-esperientzia hobetzeko. Nabigatzen jarraitzen baduzu, ulertuko dugu cookie horien erabilera onartzen duzla. Ezeztatuz gero, ezingo duzu webgune honetan nabigatu. Onartu
Informazio gehiago
Babesleak
Gipuzkoako Foru Aldundia
MAIER Koop. Elk.
KIDE Koop. Elk.
ULMA Koop. Elk.
EIKA Koop. Elk.
LAGUN ARO Koop. Elk.
FAGOR ELECTRÓNICA Koop. Elk.