HIESaren inguruko aurrerakuntzak

HIESa duten gaixoen laurdenak merkatuko sendagai garrantzitsuenak jasaten dituzten birusak daramatzate odolean. Orain gaixo hauentzat balio dezakeen sendagai eraginkorragoa sortu dute ikertzaileek, T-20 izenekoa, medikamendu hauen guztien eragina bultzatzen duena.

Sendagai klasikoek birusaren ugalketa-entzimari eraso egiten diote; T-20ak, ordea, molekula proteiniko jakin bat imitatzen du, birusek zelulak kutsatzea eragotzi egiten delarik. Birusek ezin dute zeluletara iritsi, molekula proteinikoarekin trabaturik geratzen direlako. Orain arte egin diren probetan gaixoen birus-kopurua murriztea lortu dute zientzialariek, eta bi urte barru sendagaia komertzializatzeko gai izango direla uste dute.

Eragozpen bakarra T-20 proteina izatea da, eta egunero bi aldiz zuzenean odolera injektatu behar izatea.

Gehitu iruzkin bat

Saioa hasi iruzkinak uzteko.

Babesleak
Eusko Jaurlaritzako Industria, Merkataritza eta Turismo Saila
MAIER Koop. Elk.
KIDE Koop. Elk.
ULMA Koop. Elk.
EIKA Koop. Elk.
LAGUN ARO Koop. Elk.
FAGOR ELECTRÓNICA Koop. Elk.