Hies eta ziklosporina

1985-86an egindako saio klinikoetan porrot egin ondoren, HIESaren kontrako ikerlarien artean puri-purian dago berriro ere ziklosporina. Iparramerikako NIH erakundeak (Osasunerako Institutu Nazionalak) Bethesda-n A ziklosporina paziente seropositiboengan probatzeko protokolo bat prestatu berria da.

Ziklosporina, dena den, inmunogutxitzailea da, eta zergatik erabili horrelakorik HIV birusak jota erabat inmunogutxiturik dauden gaixoekin? Arrazoia ziklosporinak, FK 506-k bezalaxe (beste faktore inmunogutxitzailea da hau ere), T linfozitoak neutralizatzea da. Jakina denez, T linfozitoak dira, hain zuzen, HIV 1 eta HIV 2 birusak jota HIES dutenengan detektatzen direnak.

Seropositiboengan ziklosporinaz T linfozitoak blokeatu egin nahi dira, birusa zelula barnean harrapatuta gera dadin eta gainerako inmunizazio-defentsak lanerako moduan utz daitezen. Ziklosporinaz blokeatutako HIV birusa ezingo litzateke ugaldu eta ezingo lituzke beste linfozitoak kutsatu.

Gehitu iruzkin bat

Saioa hasi iruzkinak uzteko.

Babesleak
Eusko Jaurlaritzako Industria, Merkataritza eta Turismo Saila
MAIER Koop. Elk.
KIDE Koop. Elk.
ULMA Koop. Elk.
EIKA Koop. Elk.
LAGUN ARO Koop. Elk.
FAGOR ELECTRÓNICA Koop. Elk.