Hegazti batzuek zakila nola galtzen duten azaldu dute

Galarraga Aiestaran, Ana

Elhuyar Zientzia

hegazti-batzuek-zakila-galdu-zutenekoa-azaldu-dute
Hegazti batzuek zakila nola galdu duten azaldu dute. Arg. Ana Herrera / Floridako Unibertsitatea

Hegazti batzuek, oilaskoek adibidez, zakil arrunta dute enbrioi-fasean, baina heldutan duten organoa garatu gabea da. Orain, Florida Unibertsitateko ikertzaileek argitu dute zergatik gertatzen den hori, Current Biology aldizkarian argitaratutako artikulu batean. Azaldu dutenez, hegazti horien garapenean mekanismo genetiko bat jartzen da martxan, zakilaren garapena gerarazteko.

Zehazki, Bmp genearen kontrolpean dago mekanismo hori: genea aktibatzen denean, zakilaren buruan dauden zelulen heriotza-tasa areagotu egiten da, eta organoa txikitu egiten da. Bmp genea aktibatzen ez den espezieetan, berriz, organoaren garapena arrunta da.

Baina, zergatik galtzen dute oilaskoek zakila? Ikertzaileek galdera horri erantzun nahi izan diote, eta, haien arabera, badirudi galera horrek abantaila ematen diela oiloei, ugalketa kontrolatzeko ahalmen handiagoa baitute horri esker. Gainera, ikerketa malformazio batzuen kausak hobeto ulertzeko lagungarria dela ere esan dute.

Gehitu iruzkin bat

Saioa hasi iruzkinak uzteko.

Webgune honek cookieak erabiltzen ditu zure nabigazio-esperientzia hobetzeko. Nabigatzen jarraitzen baduzu, ulertuko dugu cookie horien erabilera onartzen duzla. Ezeztatuz gero, ezingo duzu webgune honetan nabigatu. Onartu
Informazio gehiago
Babesleak
Eusko Jaurlaritzako Industria, Merkataritza eta Turismo Saila
MAIER Koop. Elk.
KIDE Koop. Elk.
ULMA Koop. Elk.
EIKA Koop. Elk.
LAGUN ARO Koop. Elk.
FAGOR ELECTRÓNICA Koop. Elk.