Haurdun geratzeko luze joz gero, mutila etorriko da

Haurdun geratzeko luze joz gero, mutila etorriko da
2006/02/01 | Elhuyar
(Argazkia: Artxibokoa)

Haurdun geratzeak zenbat eta luzeago jo, orduan eta aukera handiagoa omen dago jaioko den haurra mutila izateko, British Medical Journal aldizkarian argitaratu duten ikerketa baten arabera.

Ikerketa haurdun geratu nahi zuten 5.283 emakumerekin egin dute, denak 30 urte ingurukoak. Jarraipena egiten hasi eta hamabi hilabete baino lehen, hamar emakumetik bederatzi haurdun zegoen; haurren % 51 mutilak izan ziren. Haurdun geroago geratu zirenen artean, ordea, % 56k izan zuten mutila. Ikertzaileen arabera, haurdun geratzeko epea urtebete luzatzen deneko, % 4 gehitzen da mutila izateko probabilitatea.

Baliteke azalpena espermatozoideen abiaduran egotea. Izan ere, Y kromosomadun espermatozoideak (obulua ernaldutakoan mutila ematen dutenak) azkarragoak omen dira X kromosomadunak baino (neska ematen dutenak). Batzuetan, emakume batek haurdun geratzeko zailtasunak izatearen arrazoia da uteroaren ahoko mucusa ohi baino likatsuagoa izaten dela; eta litekeena da lika horretan errazago moldatzea Y kromosomadun espermatozoideak.

Berriak labur
7
1
217
2006
2
013
Medikuntza; Biologia

Jarrai iezaguzu

Zu idazle

Zientzia aldizkaria

azken alea
Babesleak
Eusko Jaurlaritzako Industria, Merkataritza eta Turismo Saila
MAIER Koop. Elk.
KIDE Koop. Elk.
ULMA Koop. Elk.
EIKA Koop. Elk.
LAGUN ARO Koop. Elk.
FAGOR ELECTRÓNICA Koop. Elk.