Genoma sintetikoa duen lehen zelula egitea lortu dute

Genoma sintetikoa duen lehen zelula egitea lortu dute
2010/06/01 | Elhuyar
M. mycoides bakterioaren genoma sintetikoa txertatu dioten M. capricolum bakterioak M. mycoides arruntaren itxura du eta haren proteinak sortzen ditu. Arg.: Science/AAAS.

Pauso bat da bizi artifiziala sortzeko bidean

J. Craig Venter Institutuko Daniel Gibsonek eta haren taldekideek genoma sintetiko baten bidez kontrolatutako lehen zelula egitea lortu dute.

Hori baino lehen, alde batetik genoma sintetikoa egiteko metodoa, eta, bestetik, zelula baten genoma beste zelula batean txertatzekoa garatu zituzten. Orain, bi metodoak batu dituzte, eta laborategian sintetizatutako genoma bat zelula batean sartu, eta genomak zelula hartzailea bere egitea lortu dute.

Berez, dagoeneko existitzen den espezie baten genoma sintetizatu dute, Mycoplasma mycoides bakterioarena hain zuzen --genoma naturaletik bereizteko markatzaile bat erabili dute--. Gero, sintetizatutako genoma Mycoplasma capricolum espezieko bakterio batean sartu dute. Bakterio hartzailean 14 gene ezabatu badira ere, ikertzaileen esanean "M. mycoides arrunt baten itxura du eta haren proteinak sortzen ditu".

Ikertzaileen helburua metodologia hori hobetzea eta fintzea da, nahi diren geneak dituen genoma sintetizatzeko eta hainbat aplikaziotarako baliagarriak izango liratekeen zelulak sortzeko etorkizunean, adibidez, erregaia ekoizteko edo ingurumena garbitzeko.

1
265
2010
6
010
Bioteknologia
Albisteak
15

Gehitu iruzkin bat

Saioa hasi iruzkinak uzteko.

Webgune honek cookieak erabiltzen ditu zure nabigazio-esperientzia hobetzeko. Nabigatzen jarraitzen baduzu, ulertuko dugu cookie horien erabilera onartzen duzla. Ezeztatuz gero, ezingo duzu webgune honetan nabigatu. Onartu
Informazio gehiago
Babesleak
Eusko Jaurlaritzako Industria, Merkataritza eta Turismo Saila
MAIER Koop. Elk.
KIDE Koop. Elk.
ULMA Koop. Elk.
EIKA Koop. Elk.
LAGUN ARO Koop. Elk.
FAGOR ELECTRÓNICA Koop. Elk.