2002/05/01 176. zenbakia

eu es fr en cat gl

• Itzulpen automatikoa
  • Español
  • Français
  • English
  • Català
  • Galego

Elia Elhuyar

×

Aparecerá un contenido traducido automáticamente. ¿Deseas continuar?

Si No

Elia Elhuyar

×

Un contenu traduit automatiquement apparaîtra. Voulez-vous continuer?

Oui No

Elia Elhuyar

×

An automatically translated content item will be displayed. Do you want to continue?

Yes No

Elia Elhuyar

×

Apareixerà un contingut traduït automàticament. Vols continuar?

Si No

Elia Elhuyar

×

Aparecerá un contido traducido automaticamente. ¿Desexas continuar?

Se No

• Genetika

Geneek ez dute guztiaren erantzuna

• Zabaldu:
• Twitter
• Facebook
• Emaila

Txinpantzearen eta gizakiaren arteko ezberdintasunak zein diren jakiteko abiarazitako ikerketa baten ondorioak plazaratu dira orain dela gutxi. Dirudienez, gizakiaren eta bere ahaide hurbila den txinpantzearen arteko ezberdintasunak geneekin baino gehiago horien adierazpenarekin dute zerikusia.

Gizakiaren eta txinpantzearen genomen arteko ezberdintasuna % 1,3koa bakarrik da, baina, argi dagoenez, nahiko espezie ezberdinak dira, bai itxuraz bai portaeraren aldetik. Beraz, zer dago ezberdintasun horren oinarrian?

Badirudi garuneko geneen adierazpenean dagoela gakoa: txinpantzearen eta gizakiaren odoleko eta gibeleko zeluletan antzekotasun handiak dauden arren, garunera joz gero espezie batek bestearekin inongo antzekotasunik ez duela ikusi da. Espezie bakoitzaren garunaren aktibitatea oso ezberdina omen da.

Geneak noiz eta nola adierazten diren oso garrantzitsua da, nonbait, eta ikertzaileek uste dute hortik abiatuta ugaztun-espezieen arteko ezberdintasunak zein diren azaldu ahal izango dela.