Espermatozoidearen RNA mezularian oinarritutako diagnostikoa
AEBetan, Michigango Medikuntza Estatu-Unibertsitateko ikertzaileek espermatozoidearen 3.000 RNA mezulari identifikatu dituzte. RNA mezulariak DNA proteinak ekoizten ari denean sortzen diren bitartekoak dira, eta espermatozoide osasuntsuetan beti berak agertzen dira. Beraz, espermatozoide osasuntsuaren ‘hatz-aztarna’ moduko bat osatu dute. Horrekin, diagnostiko azkarrak egin daitezke; espermatozoidea osasuntsua den ala ez jakiteko, nahikoa da RNA mezularien ‘hatz-aztarna’ horrekin alderatzea.
Orain arte, gizonezkoen antzutasuna diagnostikatzeko, espermatozoideen itxura eta mugimendua aztertzen zen. Baina laguntza bidezko ugalketa-metodo batzuetan itxura anormala duten espermatozoideak ere baliagarriak izan daitezke. Adibidez, espermatozoide-injekzio intrazitoplasmatikoan, espermatozoide bakar bat obuluan injektatzen da; horrela, obulua ernal dezake, baita mugimendurik ez badu ere. Hori bai, haren material genetikoak osasuntsua izan behar du. Hain zuzen, material genetikoaren egoeraren berri ematen du RNAn oinarritutako metodoak.
Zu idazle
Zientzia aldizkaria
