Espermatozoide lotsatiak

Lotsagabe fama badute ere, espermatozoideak ate-joka hurbiltzen dira obuluetara. Illinoisko Unibertsitateko eta Emory Unibertsitateko zientzialariek espermatozoideei obuluaren mintz babeslea zeharkatzeko seinalea bidaltzen dien proteina-taldea identifikatu du. Espermatozoideak obulua ukitzen duenean, espermatozoideko galaktosil transferasa proteinak obuluaren mintzeko ZP3 proteinarekin bat egiten du.

Baina galaktosil transferasa horrek bi forma ditu: bata luzea eta bestea laburra (aminoazido gutxiago). Obuluko ZP3 proteinak eta espermatozoideko transferasaren forma luzeak bat egiten dutenean, obuluan eta esperman dauden G proteinek espermatozoideak obuluan sartzeko beharrezkoak diren entzima-besikulak askatzen dituzte.

Aldiz, ZP3 proteinak transferasaren forma laburrarekin bat egiten duenean, G proteinak ez dira aktibatzen. Aurkikuntza hori garrantzitsua izan daiteke antzutasuna aztertu, antisorgailuak hobetu, baserriko animalien ekoizpena handitu eta desagertzeko arriskuan dauden espezieak berreskuratzeko. Dena den, galaktosil transferasaren eta ZP3ren artean beste urratsen bat dagoen aztertu behar dute.


Gehitu iruzkin bat

Saioa hasi iruzkinak uzteko.

Webgune honek cookieak erabiltzen ditu zure nabigazio-esperientzia hobetzeko. Nabigatzen jarraitzen baduzu, ulertuko dugu cookie horien erabilera onartzen duzla. Ezeztatuz gero, ezingo duzu webgune honetan nabigatu. Onartu
Informazio gehiago
Babesleak
Gipuzkoako Foru Aldundia
MAIER Koop. Elk.
KIDE Koop. Elk.
ULMA Koop. Elk.
EIKA Koop. Elk.
LAGUN ARO Koop. Elk.
FAGOR ELECTRÓNICA Koop. Elk.