Erditzea zuzenean, erresonantzia bidez

Erditzea zuzenean, erresonantzia bidez
2011/01/01 | Elhuyar
Erresonantzia magnetiko bidezko irudigintzari esker, haurrak erditze-kanala nola zeharkatzen duen ikusteko aukera izan dute medikuek, xehetasun osoz. Arg.: MRI/Charité Ospitalea.

Lehen aldiz egin zaio jarraipena erditze bati, teknika hori erabilita

Berlingo Charité Ospitaleko eta Medikuntza Fakultateko ikertzaileek erditze bati jarraipena egin diote, erresonantzia magnetiko bidezko irudigintza erabiliz. Halako zerbait lortzen den lehen aldia da, eta, horretarako, Philips etxearen eskaner berezi bat erabili behar izan dute, amak nahikoa leku zuela eta eroso zegoela bermatzeko. Hain zuzen, bi urte behar izan ditu taldeak eskaner hori garatzeko.

Hala, haurrak erditze-kanala zeharkatzean egiten dituen mugimenduak, haren bihotz-taupadak eta amaren pelbisa ikusi dituzte, prozesu osoan zehar eta xehetasun guztiekin. Helburu nagusia prozesua ondo ezagutzea da, jakiteko zergatik egin behar izaten diren hainbeste zesarea. Izan ere, OMEren arabera zesarea-tasak % 15 baino txikiagoa izan beharko balu ere, leku askotan gainditu egiten da tasa hori. Adibidez, EAEko ospitale publikoetan % 13,23 da, eta, pribatuetan, berriz, % 29,6.

1
271
2011
1
004
Medikuntza; Anatomia/Fisiologia; Fisika
Albisteak
8
Babesleak
Eusko Jaurlaritzako Industria, Merkataritza eta Turismo Saila