Elektroiak, aintzat hartu beharrekoak Lur barrenean

Elektroiak, aintzat hartu beharrekoak Lur barrenean
2007/11/01 | Elhuyar
(Argazkia: Harvard Unib.)

Kaliforniako Lawrence Livermore Laborategiko ikertzaileen arabera, Lurraren barreneko burdinadun mineraletan elektroiek duten spinak mineral horien ezaugarrietan eragiten du.

Ondorio horretara iristeko, burdina duten mineral batzuk, ferroperiklasak, tenperatura eta presio izugarrien pean jarri zituzten ikertzaileek, Lurraren azaletik 2.000 km-ko sakoneran, barruko mantuan dauden kondizioetan, hain zuzen. Horrela, mineralak presionatu eta berotu ahala, elektroien spin-a aldatu egiten dela ikusi zuten ikertzaileek. Horrek eskala handian eragina duela frogatu zuten, alegia, mineralen ezaugarriak aldatu egiten direla elektroien spin-aren arabera. Adibidez, eragina du soinuak mineralean zehar bidaiatzen duen abiaduran.

Hortaz, Lurraren barneko egituraren ereduak egitean, spin-trantsizioaren eremuak aintzat hartu behar direla uste dute ikerketa egin duten geologoek.

1
236
2007
11
026
Geologia
Berriak labur
13
Babesleak
Eusko Jaurlaritzako Industria, Merkataritza eta Turismo Saila