Darwin berriz ere Kansasera

Joan den abuztuan bi urte Kansasko ikastetxe publikoetan Darwinen eboluzioaren teoria ez irakastea erabaki zuten eta gaia programatik kendu egin zuten. Ondorioz, teoria kreazionista soilik azaltzen zuten. Hau da, espezie guztiak bat-batean eta orain dituzten ezaugarriekin sortu zirela; eta sortzailea Jainkoa zela zioten, noski. Orain, ordea, berriz ere ikasketa-programan sartu dute gaia, aldeko zazpi botorekin eta kontrako hirurekin.

Antza, aurreko erabakia ez zen loteslea eta ikastetxe gehienetan ez zioten jaramonik egin. Kreazioaren Zientziarako Elkartekoek erabakia "gudu erlijiosoa" dela adierazi dute eta agintean pseudokristauak eta ateoak daudelako hartu dela gaineratu.

Gehitu iruzkin bat

Saioa hasi iruzkinak uzteko.

Babesleak
Eusko Jaurlaritzako Industria, Merkataritza eta Turismo Saila
MAIER Koop. Elk.
KIDE Koop. Elk.
ULMA Koop. Elk.
EIKA Koop. Elk.
LAGUN ARO Koop. Elk.
FAGOR ELECTRÓNICA Koop. Elk.