CRISPR metodoaren beste aldaera bat garatu dute

Galarraga Aiestaran, Ana

Elhuyar Zientzia

crispr-metodoaren-beste-aldaera-bat-garatu-dute
Arg. Artxibokoa

Genoma editatzeko CRISPR metodo ezagun eta erabilienak Cas9 nukleasa darabil DNA mozteko. Horrez gain, baina, badira beste bi: Cas12a eta Cas12b. Lehena genoma editatzeko erabilgarria bada ere, bigarrena ez, tenperatura handiegiak behar baititu eraginkorra izateko. Hala ere, ikertzaileek bazuten interesa, besteak baino txikiagoa baita. Orain, aldaera bat egiten dute, eta emaitzak Cas 9-rekin baino are hobeak izan direla adierazi dute.

Feng Zhang ikertzailearen zuzendaritzapean egin dute ikerketa (MIT), eta Nature Communications aldizkarian argitaratu dute. Zehaztu dutenez, Bacillus hisashii bakterioaren Cas12b nukleasa erabili dute. Aldaera basatiak, 37 ºC-tan, ez du mozten genoma editatzeko leku egokian. Hortaz, mutazioen bitartez, hainbat aldaera sortu dituzte, eta frogatu dute haietako bat oso eraginkorra eta zehatza dela. Are gehiago: moztu beharreko DNA-zatiarekiko Cas9 nukleasak baino berariazkotasun handiagoa duela baieztatu dute.

CRISPR-Cas9 metodoa bezainbeste hedatzeko oraindik lan asko egin behar dela onartu badute ere, genoma editatzeko beste aukera bat izatea onuragarritzat jo dute ikertzaileek.


Gehitu iruzkin bat

Saioa hasi iruzkinak uzteko.

Webgune honek cookieak erabiltzen ditu zure nabigazio-esperientzia hobetzeko. Nabigatzen jarraitzen baduzu, ulertuko dugu cookie horien erabilera onartzen duzla. Ezeztatuz gero, ezingo duzu webgune honetan nabigatu. Onartu
Informazio gehiago
Babesleak
Gipuzkoako Foru Aldundia
MAIER Koop. Elk.
KIDE Koop. Elk.
ULMA Koop. Elk.
EIKA Koop. Elk.
LAGUN ARO Koop. Elk.
FAGOR ELECTRÓNICA Koop. Elk.