COVID-19tik epe luzean babesten duten zelulak topatu dituzte hezur-muinean

Etxebeste Aduriz, Egoitz

Elhuyar Zientzia

covid-19tik-epe-luzean-babesten-duten-zelulak-topa

COVID-19 arina izan duten pertsonen hezur-muinean epe luzean antigorputzak sortzen dituzten zelulak topatu dituzte. Hala, gaitza pasa dutenek epe luzerako babesa dutela baieztatu dute. Nature aldizkarian argitaratu dute ikerketa

COVID-19a izan duten 77 pertsonaren immunitate-sistema aztertu dute. Ikusi dute infektatu zirenetik lau hilabetera behera egiten zuela antigorputzen ekoizpenak. Hala ere, 11 hilabetera oraindik detektatu zituzten S proteinaren aurkako antigorputzak. Pertsona horietatik 18tan, hezur-muina aztertu zuten, eta 15etan aurkitu dituzte S proteinaren aurkako plasmozitoak. Plasmozitoak hamarka urtez gordetzen dira hezur-muinean, eta beraz, epe luzerako babesa ematen dute.

Gainera, ikerketa-talde berak lehen zantzuak topatu ditu iradokitzen dutenak Pfizerren txertoak ere eragiten duela hezur-muineko plasmozitoak sortzea.

Gehitu iruzkin bat

Saioa hasi iruzkinak uzteko.

Babesleak
Eusko Jaurlaritzako Industria, Merkataritza eta Turismo Saila
MAIER Koop. Elk.
KIDE Koop. Elk.
ULMA Koop. Elk.
EIKA Koop. Elk.
LAGUN ARO Koop. Elk.
FAGOR ELECTRÓNICA Koop. Elk.