Berrogeita hamar karbonoko kaiolatxoa

Lehen aldiz, berrogeita hamar karbono dituzten fulerenoak sintetizatu dituzte Txinako kimikari batzuek.

Science

Kaiola esferikoen itxura duten molekula horiek ez dute karbono-atomo kopuru jakin bat izaten, baina egonkorrenak hirurogei eta hirurogeita hamar atomokoak dira. Horiek baino handiagoak ere maiz sintetizatu izan dira, baina berrogeita hamarrekorik inoiz ez.

Zailtasuna egonkortasunean datza. Fulerenoek futboleko baloiaren itxura dute, hau da, molekula horietan karbono-atomoak elkarri lotuta daude hexagonoak eta pentagonoak eratuz. 'Baloi' egonkorrenetan, hirurogei karbonoko egituran adibidez, pentagono bakoitza bost hexagonoz inguratuta dago; baina berrogeita hamar karbonokoan arau hori hautsi egiten da, eta, beraz, oso ezegonkorra da.

Horregatik, Txinako kimikariek lortu duten molekula oso ezegonkorra da. Eta ezaugarri horrek arazoak ekartzen baditu ere, oso aplikazio interesgarriak ere izan ditzake, nanoteknologiaren arloan, esate baterako.


Gehitu iruzkin bat

Saioa hasi iruzkinak uzteko.

Webgune honek cookieak erabiltzen ditu zure nabigazio-esperientzia hobetzeko. Nabigatzen jarraitzen baduzu, ulertuko dugu cookie horien erabilera onartzen duzla. Ezeztatuz gero, ezingo duzu webgune honetan nabigatu. Onartu
Informazio gehiago
Babesleak
Eusko Jaurlaritzako Industria, Merkataritza eta Turismo Saila
MAIER Koop. Elk.
KIDE Koop. Elk.
ULMA Koop. Elk.
EIKA Koop. Elk.
LAGUN ARO Koop. Elk.
FAGOR ELECTRÓNICA Koop. Elk.