Belarjaleen aurkako arma lurrunkorrak

Belarjaleek atakatzen dituztenean, landareek substantzia organiko lurrunkorrak ekoizten dituzte, belarjale horien harrapariak edo parasitoak erakartzeko. Jokaera hori ikusita, zientzialariak intsektuen izurriak kontrolatzeko balio dezakeen metodoa bilatu nahian dabiltza. Lehenengo aukera landareek jariatutako substantzia lurrunkor horiek gehitzea da edo, bestela, landareek substantzia hori ekoizteko behar duten ataria (kasu honetan, izurriaren maila) jaistea. Bigarren aukera belarjaleenganako erresistentzia handiagoa eta belarjale horien harrapariak erakartzeko ahalmen handiagoa duten landareak bilatzea da.

Hirugarrena, substantzia lurrunkor gehiago askatzea eragingo duten entzimak erabiltzea da. Baina substantzia lurrunkorren ekoizpenarekin zerikusia duten geneak ia ezezagunak direnez, Arabidopsis landarearen geneak aztertzen ari dira, azterketa horren emaitzak beste uzta batzuetarako ere baliagarri izango direlakoan. Bestalde, Herbeheretako Wageningen Unibertsitateko Marcel Dicke ikertzailearen arabera, aukerarik onena ohiko landare-hazkuntzarekin batera markatzaile molekularrak erabiltzea da. Hartara, geneen aldaketaren inguruko eztabaida saihestuko litzateke.

Gehitu iruzkin bat

Saioa hasi iruzkinak uzteko.

Webgune honek cookieak erabiltzen ditu zure nabigazio-esperientzia hobetzeko. Nabigatzen jarraitzen baduzu, ulertuko dugu cookie horien erabilera onartzen duzla. Ezeztatuz gero, ezingo duzu webgune honetan nabigatu. Onartu
Informazio gehiago
Babesleak
Eusko Jaurlaritzako Industria, Merkataritza eta Turismo Saila
MAIER Koop. Elk.
KIDE Koop. Elk.
ULMA Koop. Elk.
EIKA Koop. Elk.
LAGUN ARO Koop. Elk.
FAGOR ELECTRÓNICA Koop. Elk.