Begi-lausoak eta argia

Eguzkitan gehiegi egotea osasunarentzat kaltegarria da. Bagenekien izpi ultramoreek luzera larruazaleko tumoreak sorrarazten zituztela, baina orain badakigu begi-lauso edo kataratak ere sorrarazten dituztela. Begi-lausoak kristalinoa opaku bihurtzen delako izaten dira eta munduko itsutasun guztien erdiak horrelakoak dira.

Frantziako Inserm erakundeko ikertzaileek 60 urtetik gorako 2.500 pertsona aztertu dituzte eta honako ondorioa atera dute: leku eguzkitsuetan bizi direnek begi-lausoak izateko probabilitatea hiru aldiz handiagoa da. Puntu nagusia eguzki-izpien toxikotasuna metagarria izatea da. Horregatik konponbidea eguzki-izpietatik umetatik hasita babestea litzateke; bestela, kalitate oneko eguzki-betaurrekoak edo begi gainean bisera luzeak erabiltzea.

Begi-lausoak sortzeko eguzki-izpien pareko izan daitezke intentsitate handiko argi artifizialak; soldadura-postuetan sortzen dena, adibidez.

Gehitu iruzkin bat

Saioa hasi iruzkinak uzteko.

Babesleak
Eusko Jaurlaritzako Industria, Merkataritza eta Turismo Saila
MAIER Koop. Elk.
KIDE Koop. Elk.
ULMA Koop. Elk.
EIKA Koop. Elk.
LAGUN ARO Koop. Elk.
FAGOR ELECTRÓNICA Koop. Elk.