Arnasa hartzeko arazoak Indiako hiriburuan

Delhiko biztanleek badute kezkatzeko motiborik. Indiako Poluzio Kontseiluaren ikerketa baten arabera, nazioarteko osasun-erakundeek gomendatzen dutena baino zazpi aldiz poluzio handiagoa dago hiri horretako atmosferan.

Poluzio Kontseiluaren ikerketa baten arabera, nazioarteko osasun-erakundeek gomendatzen dutena baino zazpi aldiz poluzio handiagoa dago Delhiko atmosferan.

Kontseiluko ikertzaileek diotenez, Delhiko kaleak munduko poluituenetakoak dira. Dena dela, oraindik ez dakite zehatz arnasten den airearen poluzio-maila zein den. Ikerketa egileen ustez, neurri gogorrak hartu behar dira berehala poluzioa geldiarazteko; biztanleen arnas-arazoak gero eta larriagoak baitira. Lan orduetan automobilen heren bat errepideetan ibiltzen galeraztea neurri egokia litzatekeela diote.

Nazioarteko erakundeek, berriz, Delhiko umeen osasun-arazoak aipatu dituzte. Bertako umeek arnasten duten airea gehienezko muga baino ia zortzi aldiz poluituagoa dago.

Gehitu iruzkin bat

Saioa hasi iruzkinak uzteko.

Babesleak
Eusko Jaurlaritzako Industria, Merkataritza eta Turismo Saila
MAIER Koop. Elk.
KIDE Koop. Elk.
ULMA Koop. Elk.
EIKA Koop. Elk.
LAGUN ARO Koop. Elk.
FAGOR ELECTRÓNICA Koop. Elk.