3D-ko kamera

Irrati-astronomia eta medikuntza-tomografiako X izpien ezagutzaz baliatuz, 3 dimentsioko irudiak lenterik erabili gabe eratzen dituen kamera eraiki dute. Lenterik behar ez duenez, sortzen den sistema optikoak eremu-sakontasun infinitua du, eta beraz, objektua beti fokatuta agertuko da.

Lenteen ordez hainbat ispilu eta banatzaile erabiltzen ditu eta "erretratu-sekuentzia" biltzen du objektuak mantso-mantso kamera aurrean biratzen duen artean. Kamerak informazioa irrati-teleskopio baten antzera biltzen du eta datu bidimentsionalak prozesatu ondoren hiru dimentsioko irudia eratzen du.
Argazki arruntak egin ordez, irudiak ordenadore edo errealitate birtualeko ingurunean ikusi behar dira.

Babesleak
Eusko Jaurlaritzako Industria, Merkataritza eta Turismo Saila