Sagarrondo kurioso bat

Londres inguruan dagoen East Malling-eko arborikultura-zentruan sagarrondo kurioso bat jaio berri da. Pentsa litekeenaren kontra, zuhaitz hau ez da manipulazio genetiko inkontrolatu baten seme monstruoa, naturaren produktu bat baizik.

1960.eko hamarkadan Columbia Britanikoan Wijiak izeneko zuhaixka aurkitu zen. Zuhaixka hau sagarrondo barietate arruntekin gurutzatu denean, adarrik gabeko sagarrondoak lortu dira. Adarrik izan beharrean koxkor modukoak dituzte. Koxkor horretan loreak eta fruituak hazten dira.

Aukeratuak izan diren lau barietateek, momentuz lorezaleen lorategietan izango dute lekua. Halere, hamar bat urte barru, sagarrondo arrunten tokia har dezakete sagastietan. Bi abantail dituzte alde, sagarrondo arruntek baino bi aldiz toki gutxiago behar dute... eta ez dute inausketarik behar.

Babesleak
Eusko Jaurlaritzako Industria, Merkataritza eta Turismo Saila